ठेव योजना
गुंतवणुकदारांनी अधिक सकारात्मक दृष्टया तसेच भावनिकतेने गुंतवणूक करण्यासाठी म्हणून अशाप्रकारची अधिष्ठानप्राप्त नावे ठेव योजनांना देण्यात आली आहेत, संस्थेकडे गुंतवणुकीसाठी आकर्षक व्याजदराच्या विविध ठेव योजना सुरु असून ठेवीदारांनी संस्थेच्या आकर्षक व्याजदराचा लाभ घ्यावा असे आवाहन संस्थेचे अध्यक्ष अॅड.दीपक पटवर्धन हे करत आहे.
सर्व योजनांसाठी के.वाय.सी. नॉर्म्स पूर्ण करणे आवश्यक.
धनश्री ठेव योजना
कमी कालावधीसाठी रक्कम ठेवू इच्छिणाऱ्या खातेदारांसाठीही उपयुक्त ठेव योजना आहे. ३० दिवसांपासून ३६४ दिवसांपर्यंत यामध्ये रक्कम गुंतवता येते व बचत ठेवीपेक्षा जास्त व्याजदर मिळवता येतो. जेवढे दिवसांकरीता आपल्याला रक्कम गुंतवणूक करता येते तेवढे दिवस रक्कम गुंतवून त्यामध्ये उत्पन्न मिळवण्यासाठी ही उपयुक्त योजना आहे. मुदतपूर्व रक्कम काढणेची सोयही आहे. रक्कम ज्या कालावधीसाठी ठेवली आहे त्यानंतरही रक्कम न काढल्यास त्या कालावधीसाठी ऑटो रिन्युअलची सुविधाही उपलब्ध आहे. आपल्या गरजेप्रमाणे कमी कालावधीसाठी रक्कम ठेऊन उत्पन्न मिळवणेसाठी या योजनेत गुंतवणूक करावी.
स्वरुपांजली ठेव योजना
१२ ते १८ महिन्यांची असणारी हि योजना सलग ७ ते ८ वर्षे नुतनीकरण केल्यास रक्कम दामदुप्पट होऊ शकते.ही संस्थेची सर्वात लोकप्रिय ठेव योजना असून गुंतवणूकदारांचा भरभरून प्रतिसाद मिळत आहे. सदर योजनेत गुंतवली जाणारी रक्कम ही त्वरीत कर्जफ़ेड होणा-या योजनेमार्फत वितरीत केली जाते.
सोहम ठेव योजना
निवृत्तीधारक व महीला ठेवीदारांमध्ये ही योजना लोकप्रिय असून या योजनेमध्ये रक्कम ३६ ते ६०महिन्यांकरीता गुंतवून मासिक/त्रैमासिक व्याज मिळण्याची सोय या योजनेंतर्गत उपलब्ध आहे, यासाठी संस्थेमध्ये बचत खाते असणे अनिवार्य राहिल. या योजनेमध्ये मिळणारे मासिक/त्रैमासिक व्याज बचत खात्यामध्ये जमा होते.वरील योजनेमध्ये व्याजाची पुनर्गुंतवणूक करण्याची सोय
उपलब्ध आहे.
आवर्त ठेव योजना
ही योजना एक वर्ष मुदतीची असून दरमहा एक ठराविक रक्कम या योजनेमध्ये गुंतविल्यावर वर्षभरानंतर व्याजासह रक्कम ठेवीदारास मिळते. सदर योजनेसाठी संस्थेने अधिकृत एजंट नेमले आहेत, त्यामुळे गुंतवणुकदारांना घरबसल्या या योजनेचा लाभ घेता येतो.
पिग्मी ठेव योजना
संस्थेची व्यापारी वर्गामधील सर्वात लोकप्रिय अशी ही पिग्मी ठेव योजना असून संस्था शहरात संस्थेच्या २१ एजंटाद्वारे दररोज लोकांशी संपर्क करून खातेदारांमार्फत दररोज या योजनेत रु.६ लाख(अंदाजे) जमा करते. या योजनेमध्ये किमान रु.१०/- भरून खातेदार खाते सुरु करू शकतो व दररोज ती रक्कम एजंटमार्फत जमा करू शकतो.
ऑटो रिन्युअल सुविधा
संस्थेच्या वरील सर्वठेव योजनांमध्ये ठेवींची मुदत पूर्ण झाल्यावर ऑटो रिन्युअल सुविधा मिळते व त्याच तारखेने त्याच योजनेत रक्कम परत गुंतवली जाते यामुळे मुदत पुढे वाढवू इच्छीणाऱ्याठेवीदारांची चांगली सोय झाली आहे.