संस्थाध्यक्ष संदेश


अॅड.दीपक पटवर्धन      

    स्वामी स्वरूपानंद सहकारी पतसंस्थेच्या वेबसाईटवर आपले स्वागत आहे.

    सहकार क्षेत्रात गेली २८ वर्ष सातत्यपूर्ण काम करणारी विश्वासार्ह, कार्यक्षम आर्थिक संस्था म्हणून या संस्थेची ओळख तुम्हाला देताना खूप अभिमान वाटतो.


    अनेक वित्तीय संस्था आपापल्या पद्धतीने कार्यरत आहेत. मात्र स्वामी स्वरूपानंदांच्या नावाने सुरु झालेली केवळ रु.१०,०००/- भांडवल असलेली संस्था २८ वर्षात कोट्यावधींचे व्यवहार, पारदर्शक आणि शिस्तबद्ध पद्धतीने करती झाली. सातत्य, आर्थिक शिस्त, काटेकोर पद्धती, विश्वासार्हता आणि व्यावसायिक दृष्टीकोनातून घेतलेले निर्णय याचबरोबर संस्थेने ग्राहकांबरोबरचे स्नेहबंध दृढ केले आणि जनमान्यता प्राप्त केली. सन २०१२ मध्ये राज्यशासनाने 'सहकार भूषण' पुरस्कार देऊन संस्थेच्या कार्याचा गौरव केला. हा पुरस्कार म्हणजेच जनमान्यतेला मिळालेली राजमान्यता म्हणता येईल.


    २८ वर्ष सातत्यपूर्ण वाढता नफा, आर्थिक संस्थेला अभिमान वाटावा अशी सर्व आदर्श प्रमाणे संस्थेने राखली आहेत. २०१९-२० या वर्षात संस्थेच्या ठेवी २०० कोटींच्या करण्याचे उद्दिष्ट पूर्ण झाले याबद्दल सर्व ठेवीदारांना धन्यवाद. ठेव वृद्धी बरोबरच संस्थेने मोठ्या प्रमाणावर सुरक्षित कर्जाचे वितरण केले आहे आणि सातत्याने 0% एन.पी.ए. राखताना ९९% चे वर वसुली प्रमाण राखले आहे. या साईटच्या माध्यमातून संस्थेबाबतची माहिती प्राप्त करणे आपल्या सारख्या जाणत्या व्यक्तीत्वासाठी रोचक ठरावे.


    संस्थेचे सर्व संचालक पदाधिकारी गेली २८ वर्षे कोणत्याही प्रकारचा आर्थिक लाभ न घेता कार्यरत आहेत. पतसंस्था व्रतस्थ पद्धतीने चालवण्याचा दृढ संकल्प आहे. या संकल्पाला आजपर्यंत हजारोंची साथ मिळाली. आज या वेबसाईटच्या माध्यमातून तुम्हीसुद्धा संस्थेच्या आर्थिक सेवांचे अवलोकन करून संस्थेच्या सन्माननीय ग्राहक वर्गात समाविष्ट व्हाल, तुमचे स्वागत करण्यासाठी संस्था सदैव आतूर आहे.